Үй-бүлөлүк зомбулуктан жабыр тарткан адамдар мыйзамга жана калкты социалдык жактан тейлөө жөнүндө мыйзамдарга ылайык мамлекеттик жана муниципалдык мекемелерден, ошондой эле социалдык тейлөө мекемелеринен: консультациялык-алдын алуу борборлорунан (кризистик борборлордон), баш калкалоочу жайлардан, ошондой эле башка мекемелерден социалдык-психологиялык жардам алууга укуктуу.
Социалдык-психологиялык жардам көрсөтүү үчүн негиз болуп үй-бүлөлүк зомбулуктан жабыр тарткан адамдардын, ошондой эле мыйзамда аныкталган үй-бүлөлүк зомбулуктан сактоону жана коргоону жүзөгө ашыруучу субъекттердин ушундай жардам сурап кайрылуусу эсептелет.
Үй-бүлөлүк зомбулуктан жабыр тарткан адам коопсуз убактылуу жашоо үчүн мамлекеттик же муниципалдык башпаанекке жайгаштырылууга укуктуу. Баш калкалоочу жайда болуу келишимдин шарттарында баш калкалоочу жайдын уставында же жобосунда аныкталган эрежелерге ылайык акысыз негизде жүргүзүлөт. Үй-бүлөлүк зомбулуктан жабыр тарткан адам окутуу, кесиптик даярдоо жана кайра даярдоо, ишке орноштуруу мүмкүнчүлүктөрү жана социалдык реабилитациялоонун башка формалары жөнүндө маалымат алууга укуктуу.