| Багбанчылык-огород участогу (багбанчылык – дачалык участок) – мамлекеттик органдар же жергиликтүү өз алдынча башкаруу органдары тарабынан Кыргыз Республикасынын ишканаларына, мекемелерине жана жарандарына жашылча, жемиш, анын ичинде айыл чарба азыктарын өндүрүү боюнча Жамааттык багбанчылык шериктештигин уюштуруу үчүн бөлүнүүчү жер участогу. Кыймылсыз мүлккө укуктарды жана укуктарга чектөөлөрдү жана аны менен болгон бүтүмдөрдү каттоо эрежелерине ылайык Кыргыз Республикасынын жарандарынын багбанчылык-дачалык жана багбанчылык-огороддук участокторго болгон менчик укугу 16-жылдын 1999-июнуна чейин, Кыргыз Республикасынын колдонуудагы жер кодекси колдонууга киргизилген мезгилге чейин катталат: – багбанчылык-дачалык же багбанчылык-огороддук шериктештикке, кооперативге жер участогун берүү жөнүндө ыйгарым укуктуу мамлекеттик органдын чечиминин; – багбанчылык-дачалык же багбанчылык-огороддук шериктештиктин, кооперативдин анын айрым мүчөсүнө жер участогун бөлүп берүү жөнүндө чечиминин. Кыргыз Республикасынын Жер кодекси колдонууга киргизилгенден кийин алынган багбанчылык-дачалык участокторго менчик укугу жер участокторун берүү учурунда катталат: – жер участогун бөлүп берүү жөнүндө ыйгарым укуктуу органдын тиешелүү чечиминин; – жер участогуна жеке менчик укугу жөнүндө мамлекеттик актынын. |